Похожие темы

[Кострома-skopa]

Икона Божией Матери «Споручница грешных»


Икона Божией Матери «Споручница грешных» (поручительница за грешных) — почитаемая в Православной церкви икона Богородицы. Своё название икона получила от надписи, сохранившейся на ней: «Аз Споручница грешных к Моему Сыну…»

Богородица изображена по пояс, левой рукой держит младенца Христа, который сжимает её правую руку. Икона украшена коронами, что свидетельствует о её Малороссийском или Белорусском происхождении.

Древний образ был обретён в 1843 году в Николаевском Одрине мужском монастыре Орловской губернии. По преданию, он был прославлен рядом чудесных исцелений, в том числе во время эпидемии холеры

Празднование иконе совершается 7 марта и 29 мая (по юлианскому календарю).



Молитва пред иконою "Споручница грешных" (7/20 марта)

Тропарь, глас 4-й: Умолкает ныне всякое уныние и страх отчаяния исчезает, грешницы в скорби сердца обретают утешение и небесною любовию озаряются светло: днесь бо Матерь Божия простирает нам спасающую руку и от Пречистаго образа Своего вещает, глаголя: Аз Споручница грешных к Моему Сыну, Сей дал Мне за них руце слышати Мя выну. Темже людие, обремененнии грехи многими, припадите к подножию Ея иконы со слезами вопиюще: Заступнице мира, грешным Споручнице, умоли Матерними молитвами Избавителя всех, да Божественным всепрощением покрыет грехи наша, и светлыя двери райския отверзет нам, Ты бо еси предстательство и спасение рода христианскаго.

Кондак, глас 1-й: Честное Жилище бывши неизреченнаго естества Божественнаго выше слова и паче ума и грешным еси Споручница, подаваеши благодать и исцеления, яко Мати всех Царствующаго, моли Сына Твоего получити нам милость в день судный.

Молитва: О, Владычице Преблагословенная, защитнице рода христианскаго, прибежище и спасение притекающих к Тебе! Вем, воистинну вем, яко зело согреших и прогневах, Премилостивая Госпоже, рожденнаго плотию от Тебе Сына Божия, но имам многия образы прежде мене прогневавших Его милосердие: мытари, блудницы и прочия грешники, имже дадеся прощение грехов их, покаяния ради и исповедания. Тыя убо образы помилованных очесем грешныя души моея представляя и на толикое Божие милосердие, оныя приемшее, взирая, дерзнух и аз грешный прибегнути с покаянием ко Твоему благоутробию. О, Всемилостивая Владычице! Подаждь ми руку помощи и испросиши у Сына Твоего и Бога, Mатерними и святейшими Твоими молитвами, тяжким моим грехом прощение. Верую и исповедую, яко Той, Егоже родила еси, Сын Твой есть воистинну Христос, Сын Бога Живаго, Судия живых и мертвых, воздаяй комуждо по делом его. Верую же паки и исповедую Тебе быти истинную Богородицу, милосердия источник, утешение плачущих, взыскание погибших, сильную и непрестающую к Богу Ходатаицу, зело любящую род христианский, и споручницу покаяния. Воистинну бо несть человеком иныя помощи и покрова, разве Тебе, Госпоже Премилостивая, и никтоже уповая на Тя постыдится когда, и Тобою умоляя Бога, никтоже оставлен бысть. Того ради Твою неисчетную благость молю: отверзи двери милосердия Твоего мене заблуждшему и падшему в тимение глубины, не возгнушайся мене сквернаго, не презри грешнаго моления моего, не остави мене окаяннаго, яко в погибель злобный враг похитити мя ищет, но умоли о мне рожденнаго от Тебе милосердаго Сына Твоего и Бога, да простит великия моя грехи, и избавит мя от пагубы моея, яко да и аз со всеми получившими прощение воспою и прославлю безмерное милосердие Божие и Твое непостыдное о мне заступление в жизни сей и в нескончаемем веце. Аминь